યોજનાનું નામ

• સંસ્થાએ વિકસાવેલ ઉર્જા કાર્યક્ષમ ભઠ્ઠી સબસીડીથી પુરી પાડવાની યોજના

યોજનાની પાત્રતા

• માટીકામ કરતાં કારીગરો માટે ૧૦૦ ટકા સબસીડીના ધોરણે વિનામૂલ્યે ઉર્જા કાર્યક્ષમ ભઠ્ઠીની સહાય
• આ યોજના અન્વયે ઓછમાં ઓછા ર (બે) માટીકામ કરતાં કારીગરોના સમુહને રાજ્ય સરકારની ૧૦૦ ટકા સહાય આપવામાં આવશે.
• અરજદારો માટીકામના વ્યવસાય સાથે પ્રત્યક્ષ રીતે સંકળાયેલા અને માટીકામની પ્રવૃત્તિ કરતો હોવા જોઇએ.
• અરજદારોની ઉંમર ૧૮ થી ૫૮ વર્ષ સુધીની હોવી જોઇએ.
• સદર યોજના અન્વયે લાભ લેવા માટે અરજદારોએ સંસ્થા દ્વારા નિયત કરેલ અરજીપત્રકમાં જરૂરી વિગતો અને પ્રમાણપત્રો સાથે અરજી કરવાની રહેશે.
• સંસ્થાના નીતિ નિયમો તેમજ ભઠ્ઠી બાંધકામ અંગેના જે તે સમયના ધારા ધોરણો અરજદારોને બંધનકર્તા રહેશે. સંસ્થા દ્વારા જે શરતો બોલીઓ નક્કી કરે તેનુ પાલન કરવાનુ રહેશે.
• અરજદારોની કુંભારીકામ/માટીકામ વ્યવસાય માટે જે તારીખે અરજી કરે તે તારીખે પોતાની અથવા ઓછામાં ઓછા પાંચ વર્ષ માટે ભાડા પટ્ટાની ઓછામાં ઓછી ૮૦૦ થી ૧૦૦૦ ચો.ફુટની ખુલ્લી જગ્યા હોવી જરૂરી છે.
• અરજદારોએ ઉર્જા બચાવતી ભઠ્ઠીનો ઉપયોગ ફક્ત કુંભારીકામ/માટીકામ વ્યવસાય માટે જ કરવાનો રહેશે અને જો તેનો દુરુપયોગ જણાશે તો સંસ્થા કાયદેસરની કાર્યવાહી કરશે.
• અરજદારોએ જુથમાં અરજી કરેલ હોય તેવા કિસ્સામાં તેઓ જુથમાં સદર ઉર્જા બચાવતી ભઠ્ઠીનો ઉપયોગ કરશે તેવુ રૂ.૩૦૦/-ના સ્ટેમ્પ પેપર ઉપર નોટીરાઇઝ બાંહેધરી આપવાની રહેશે.
• અધુરી વિગતો વાળી અરજીઓ ધ્યાને લેવામાં આવશે નહી. તેથી તમામ વિગતો અને જરૂરી દસ્તાવેજો સાથેનુ અરજીપત્રક મોકલવાનુ રહેશે.
• ભઠ્ઠી અંગેની કોઇપણ પ્રકારની સહાય રોકડમાં ચુકવવામાં આવશે નહી. સહાય ફક્ત ઉર્જા બચાવતી ભઠ્ઠી સ્વરૂપે જ આપવામાં આવશે.
• અરજદારોએ રજુ કરેલ પ્રમાણપત્રોની નકલના અસલ દસ્તાવેજો સંસ્થા માંગે ત્યારે ચકસણી અર્થે રજુ કરવાના રહેશે.
• અરજદારોએ સર્વસંમતિથી આપેલ બાંહેધરી પત્ર મુજબ ઉર્જા બચાવતી ભઠ્ઠીનો ઉપયોગ ફરજીયાતપણે કરવાનો રહેશે.
• અરજદારોએ ઉર્જા બચાવતી ભઠ્ઠી બાંધવા માટે જે જમીન પર ભઠ્ઠી બાંધવા માંગતા હોય તે જમીનની માલિકી અંગેના જરૂરી દસ્તાવેજો અરજીપત્રક સાથે રજુ કરવાના રહેશે. બાંધકામની પરવાનગી માટે પરવાનગી/રજાચીઠ્ઠી જે તે ગ્રામ પંચાયત/નગરપાલિકા/સક્ષમ ઓથોરીટી ની મેળવવાની રહેશે.
• શરતો અંગે જો કઇ ગેરસમજ થાય તો સંસ્થાના નિયામકશ્રીનો નિર્ણય આખરી અને બંધનકર્તા રહેશે.
• અરજદારોએ ઉર્જા બચાવતી ભઠ્ઠી જે જગ્યાએ બાંધવાની છે તે જગ્યાએ ગ્રામ પંચાયત/નગરપાલિકા કે સંબધિત ઓથોરીટી પાસેથી મેળવીને અરજીપત્રક સાથે રજુ કરવાનુ રહેશે.
• આ યોજના ફક્ત ગુજરાત રાજ્યના કુંભારીકામ/માટીકામ સાથે સંકળાયેલા કારીગરો માટેની જ છે.
• ઉર્જા બચાવતી ભઠ્ઠી તૈયાર થયા બાદ ઉપભોક્તાએ ભઠ્ઠીની ઉપયોગીતા અંગેનો અહેવાલ /રીપોર્ટ દર ૩ માસે સંસ્થાને મોકલવાનો રહેશે.
• ભઠ્ઠી બાંધકામ અને ઇન્સ્ટોલેશનબાદ ભઠ્ઠીની જાળવણી અને મરામત બાબતે થનાર ખર્ચ લાભાર્થીઓએ સ્વખર્ચે કરવાનો રહેશે.